週一, 12 二月 2024 15:40
作客韋斯咸賽後報告
首先僅代表球迷會向香港各位廠迷送上至誠祝福，願各位身體健康，一元復始，萬象更新，事事如意！
今仗上半埸3分鐘，保雲吃咗一記炸糊，不過越咗位就入球無效。愛隊隨後就展開年初二大屠殺序幕。21分鐘，托沙接應薩卡右路傳中，不過頭槌高出。23分鐘，今次又係托沙，喺左路窩利抽射，不過希奧拿反應奇快奇蹟地救出。32分鐘，缺口終於打破！沙利巴接應角球一頂破網領先1比0。36分鐘，薩卡右路窄角度射門斜出。41分鐘，薩卡單刀被阿希奧拿整跌，經過VAR驗証冇越位之後，球證直指12碼，由薩卡親自操刀中鵠領先至2比0。44分鐘，加比爾接應懷斯罰球傳中一頂破網將比數拉開至3比0。喺補時第2分鐘，隊長奧迪哥特交波比托沙燙射遠柱死角位入網，愛隊遙遙領先至4比0返回更衣室，而好多主場球迷亦罕有地喺中場休息時間就已經意興闌珊離場。
閱讀 318 次數
發佈於
賽後報告
