週日, 21 一月 2024 07:15

主場對水晶宮賽後報告

愛隊經過2星期休息同到杜拜义電之後,今場全隊都表現得非常積極。11分鐘,懷斯開出角球,加比爾猶如飛將軍頂入客軍大門領先1比0。37分鐘,又係加比爾接應角球攻勢,不過今次就插水式頂中軒達臣背部入網將比數領先至2比0,上半場亦以此比數結束。

下半場愛隊繼續控制大局,59分鐘,耶穌仔喺右路助攻比托沙射入領先到3比0。去到補時階段,後備入替托沙嘅馬天尼利亦打破5場入球荒兼梅開2度喺補時第4及5分鐘入球大炒水晶宮5比0完場。
睇返聯賽榜方面,愛隊以21戰得43分升上第3位,只係落後榜首利物浦5分。
我哋下一場賽事將會喺今個月最後1日31號凌晨作客諾定咸森林,寄望愛隊再有充足嘅時間去準備今場作客賽事全取3分!

閱讀 210 次數