因應賽程頻密，愛隊亦作出一定程度輪換，由托沙，尼爾遜同夏維斯組成三叉戟攻堅，湯馬斯擔正防中。24分鐘，隊長奧迪哥特同夏維斯嚟一次one-two輕描淡寫之下射入領先1比0。44分鐘，令仗表現活躍嘅路維將皮球傳入禁區，橋岡大樹喺受壓之下擺老烏將比數改寫為2比0。
今仗愛隊展現非常大嘅決心勢要扭轉上仗作客葡萄牙1球落後劣勢，攻勢非常積極。4分鐘，韋治頭槌攻門，可惜高出。13分鐘，薩卡射門令到哥斯達甩手，但都無功而還。入球結果喺41分鐘出現，隊長奧迪哥特交出致命直線比托沙射向遠柱應聲入網領先1比0，2回合總計打成1比1平手。
