週日, 21 四月 2024 04:01

作客狼隊賽後報告

上半場愛隊都積極搶攻,不過薩卡同夏維斯嘅射門都無功而還,返而主隊喺29分鐘第一次射門就非常有威脅,幸好高美斯射中楣。果然大難不死就有後福,完半場前45分鐘愛隊終於打破缺口,耶穌仔交出助攻比托沙施射,雖然呢腳有d塌Q,但反而射向死角入網領先1比0完上半場。

週四, 18 四月 2024 06:26

作客拜仁慕尼黑賽後報告

上半場愛隊都踢得非常進取,不過第一次有威脅嘅射門係來自主隊。24分鐘,穆斯亞拿大嘅射門被反應超快嘅拉耶撲出。而愛隊之後2次絕佳機會都過唔到紐亞一關,佢先撲出隊長奧迪哥特嘅遠射再救埋夏維斯嘅頭槌,結果上半場踢成0比0返回更衣室。

週一, 15 四月 2024 02:20

主場對阿士東維拉賽後報告

上半場早段愛隊錯失咗3次機會,2次過唔到馬天尼斯及一次射高,而維拉第一次中龍就喺39分鐘出現,加比爾喺後場犯錯比屈堅斯單刀入禁區起腳,中柱彈出,雖然大難不死但警號已經響起。之後愛隊喺完上半場前有2次機會分别由耶穌仔比波托沙喺禁區撞射,可惜又過唔到反應奇快嘅馬天尼斯,第2次機會係薩卡喺禁區內起腳僅僅柱邊出界。