週三, 05 十月 2022 06:03

主場對熱刺賽後報告

愛隊喺今場北倫敦打吡持續強勢一開波即主導進攻節奏,3分鐘馬天尼利已經有一次機會,可惜射中柱,不過入球終於喺20分鐘出現,柏迪喺禁區邊世界波死角入網領先1比0。31分鐘,列查利臣擺脫沙卡後殺入禁區被入球功臣柏迪踼跌,球證直指12碼,簡尼操刀得手追平1比1完上半場。

週一, 19 九月 2022 05:13

作客賓福特賽後報告

上半場初段受制於主隊嚴密防守而未有太多埋門機會,不過正所謂久守就會必失,17分鐘沙利巴近柱接應薩卡開出角球一頂入網領先1比0。27分鐘愛隊再度埋門,耶穌仔小禁區接憑沙卡妙傳銅頭一搖破網拉開比數至2比0。完上半場前迪恩尼嚟一次遠射,不過炒高咗,愛隊就領先2球返回更衣室。

週一, 05 九月 2022 01:58

作客對曼聯賽後報告

上半場愛隊基本上比較佔優,進攻流暢兼有自信,12分鐘,薩卡喺中圈一次直線傳送比馬天尼利半單刀射入紅魔大門,可惜球證檢視VAR後話隊長奧迪哥特犯規在先,入球無效。22分鐘,主隊新兵貌似古惑仔嘅安東尼喺右路切入中間起腳,但皮球射高。32分鐘馬天尼利頭槌攻門被迪基亞神救,35分鐘,紅魔一次組織由華舒福將球分到右邊無人看管嘅安東尼熨射入網領先1比0並以此記錄完上半場。