週日, 07 四月 2024 02:47

作客白禮頓賽後報告

今仗薩卡喺傷癒後回歸正選,夥拍耶穌仔同夏維斯攻堅。上半場愛隊喺企穩陣腳之後有不少機會,不過加比爾同薩卡嘅埋門都不中目標。缺口終於喺33分鐘打開,耶穌仔殺入禁區被林迪踢低,薩卡射入12碼領先海鷗1比0,最後亦以此比數完上半場返回更衣室。

週四, 04 四月 2024 06:03

主場對盧頓賽後報告

因應賽程頻密,愛隊亦作出一定程度輪換,由托沙,尼爾遜同夏維斯組成三叉戟攻堅,湯馬斯擔正防中。
24分鐘,隊長奧迪哥特同夏維斯嚟一次one-two輕描淡寫之下射入領先1比0。44分鐘,令仗表現活躍嘅路維將皮球傳入禁區,橋岡大樹喺受壓之下擺老烏將比數改寫為2比0。

週一, 01 四月 2024 10:33

作客曼城賽後報告

7分鐘,愛隊喺右路由韋治近底線傳中,耶穌仔心口控定起腳射遠柱,但係喺柱邊出界。16分鐘,曼城左路開出角球,艾基近門頭槌被拉耶抱實。主隊雖佔有7成以上控球權,不過受制愛隊嚴密防守,其實威脅埋門不多,4次射門只得1次中框。喺各自穩打穩紮之下結果以0比0完上半場返回更衣室。