今仗上半場可以用膠著狀態形容,結果以0比0悶和上半場。
下半場韋利安同拿卡錫迪先後埋門都中柱及中楣。原本曙光喺臨完場前出現,86分鐘,比比建功以1比0領先,但客軍喺補時階段由賀利殊近門頂入關鍵性嘅作客入球追和1比1,最後亦以此比數完場。
今場正正暴露愛隊嘅入球把握能力極需改善,期望下星期作客布拉格時可以改善此缺點,不過而家嘅焦點應該係放眼三天後12號凌晨2時作客對錫菲聯嘅聯賽賽事 COYG!

週五, 09 四月 2021 05:01

主場對利物浦賽後報告

愛隊今仗以隊長奧巴美揚、拿卡錫迪、奧迪哥特同比比合作攻堅。薩卡、路維及雷斯則因傷缺陣。
上半場紅軍取得絕對嘅控球權,法賓奴、費明奴同阿奴都先後作出遠射,但都未能命中目標。最入肉嘅一射出現喺35分鐘,阿奴回傳比米拿喺禁區起腳射斜,結果愛隊尚算力保不失0比0守和上半場。

週一, 22 三月 2021 12:53

作客韋斯咸賽後報告

愛隊今仗繼續以缺態嘅隊長奧巴美揚同拿卡錫迪合作攻堅。上半場15分鐘,近況甚勇嘅連加特接應隊友傳送後略為控高皮球後球不著地勁射掛網鎚仔幫領先1比0。兩分鐘後,又係連加特,佢喺我哋後半場左邊快開罰球比查洛保雲射破企喺近柱嘅利奴,擴大比數至2比0。我哋嘅球員尤如尚未瞓醒,喺32分鐘比蘇捷將比數拉開至3比0。可能韋斯咸以3比0遙遙領先諗住大局已定,但世事往往出人意表,喺尾段38分鐘,拿卡錫迪喺禁區接得皮球後斜身射出一記好靚嘅射球,不過皮球掂到蘇捷後變成擺烏龍令愛隊追至1比3完上半場。