週一, 24 十月 2022 07:27

主場對燕豪芬賽後報告

上半場12及20分鐘,沙卡同耶穌仔同樣喺禁區頂射門亦同樣柱邊出界。愛隊雖然佔有優勢,但腳風認真不順,共起腳7次,6次射偏,有1次則被客軍攔截,結果上半場以0比0賽和進入更衣室。

週一, 17 十月 2022 03:02

主場對列斯聯賽後報告

今仗比賽2分鐘就因為球場停電關係,令比賽需暫停45分鐘。20分鐘馬天尼利左路傳中,皮球大漏之下落到耶穌仔腳下喺窄角度施射被美利亞救出。30分鐘隊長奧迪哥特主射罰球,又被美利亞僅僅托出,35分鐘,今次隊長奧迪哥特交波比薩卡半單刀面對美利亞後射入領先1比0,亦最後以此記錄完上半場。

週五, 14 十月 2022 06:08

主場對利物浦賽後報告

上半場一開波,愛隊就喺後場截到皮球,立即傳到前場比薩卡嚟一次快速反擊,隊長奧迪哥特接到傳波,再送直線比左路殺入禁區嘅馬天尼利熨射入網領先1比0,僅58秒!紅軍發完夢之後慢慢開始掌控番比賽節奏。34分鐘,阿奴送一個過頭波比迪亞斯快速入攝右路傳入中路比紐尼斯門前撞射成追和1比1。不過迪亞斯冇耐亦因傷退下火線,紅軍以費明奴入替。上半場補時5分鐘,馬天尼利沿左路殺入禁區,傳到遠處冇人看管嘅薩卡門前鏟入再度領先,愛隊亦帶著2比1嘅優勢返回更衣室。