週三, 31 一月 2024 02:12

作客對諾定咸森林賽後報告

愛隊經過十多日休息义電之後的確活力十足,喺上半場佔盡優勢反客為主,但依然欠缺一dd把握力,喺佔盡優勢之下只能夠以0比0比數返回更衣室。

下半場愛隊再加強壓力之下終於打破缺口,66分鐘,耶穌仔接應界外球之後喺窄角度射門,皮球直飛網窩領先1比0。72分鐘,薩卡喺右路接應耶穌仔起腳射入將比數改寫為2比0。不過喺完場前出現咗小小亂象。89分鐘,主隊由阿旺尼喺禁區內入波破蛋追成1比2,不過都阻止唔到愛隊全取3分嘅事實。
睇返聯賽榜方面,愛對以22戰得46分升上次席,落後少踢1場排榜首嘅利物浦2分。愛隊將會喺嚟緊嘅2月5月凌晨主場硬拼利物浦上演榜首大戰,誓要全取3分為高普季尾離開利物浦贈興?
最後,我都要向呢位喺紅軍教咗8年嘅主帥講一聲 - Wish you all the best!

閱讀 67 次數