54分鐘，紐尼斯入禁區勁射出底線。及後馬天尼利後備入替。77分鐘，藍斯度撲走迪亞斯射門，隨後紅軍嘅角球被祖達頂中横楣。80分鐘，阿奴喺左路底線開出罰球，基維奧好唔好彩門前擺烏龍頂入替客軍領先1比0。愛隊隨後積極反撲，但喺補時5分鐘再由迪亞斯錦上添花替紅軍入第2球鎖定2比0勝局進級足總盃第4圈，愛隊則3連敗。
聯賽加盃賽已經連續三場落敗，好老實講好多廠迷同我一樣都對達帥嘅固執，戰術部署或安排都大惑不解及不滿。但經過一整天嘅冷靜之後，一如既往，我依然選擇企喺領隊的一邊一齊向前行！我明白阿迪達不能夠同哥帥，高普，肥安甚至前任艾美利相提並論，但當佢由接手之初愛隊由一盤散沙去到而家算係前列爭標份子，四年間大家都係甘苦與共，當然我明白乜嘢叫愛之深責之切，但批評總有一條底線，我衷心希望各位廠迷喺批評當中切勿任意講出一d非常難坎入耳嘅字眼或留言，說話如有得罪，請多多包涵！
我哋下一場賽事將會喺10日後嘅20號晚上倫敦打比主場對水晶宮，喺期待全取3分之餘亦都希望當天晚上可以喺睇波 party 同大家見面！