週一, 09 十月 2023 09:10
主場對曼城賽後報告
上半場初段愛隊表現有d緊張下製造咗一d險像。4分鐘，法迪奧接應右路開出角球喺尾柱凌空起腳，好彩懷斯首先救空門，解圍唔遠下被艾基接應賀蘭頭槌二傳12碼點起腳竟射上去觀眾席。開賽頭30分鐘拉耶都表現得緊張患得患失，18分鐘，佢喺禁區內被艾華利斯逼搶之下，大腳清走皮球時省中對方，好彩冇反彈入自家龍門，只係網側出界，自此拉耶亦得漸漸打起信心，同樣地愛隊站穩陣腳後漸漸打起信心開始同藍月鬥搶攻，29分鐘，哥華傑治粗暴從後攔截侵犯隊長奧迪哥特，竟然只得黃牌！再喺35分鐘又一次從後掃跌懷斯都冇比牌！呢位國際球證奧利華可謂可圈可點盡在不言中。結果上半場互無紀錄下返回更衣室。
閱讀 233 次數
發佈於
賽後報告
週日, 01 十月 2023 02:32
作客般尼茅夫賽後報告
Yeah！我哋好快喺開賽後就控制大局，16分鐘，隊長奧迪哥特將皮球吊入禁區，但耶穌仔頂中横楣，好彩薩卡近門補中入網領先1比0。接近完上半埸嘅44分鐘，尼基迪亞喺禁區被艾朗斯踢跌穫得極刑由隊長奧迪哥特射入12碼，愛隊上半場領先般茅2比0返回更衣室。
閱讀 238 次數
發佈於
賽後報告
