8分鐘，富咸一次角球攻勢，加比爾解圍省中後備入替嘅富安健洋後，非常唔好彩落喺迪哥度華列特腳下執死雞破網反超前2比1。愛隊加強控球在腳下取回優勢喺66分鐘由薩卡抽射，但係炒高無功而還。68分鐘，隊長奧迪哥特嘅罰球又唔中目標。及後愛隊換入耶穌仔及托沙加強攻力，但反而富咸尾段有後備入替嘅皮利拉罰球中柱唔入，最終今仗愛隊以1比2落敗。
睇返聯賽榜方面愛隊以20戰得40分排名第4位比榜首同樣20戰得45分嘅利物浦少5分。
最後寄語各廠迷，最近兩場聯賽失利當然有本身不足之處及外在因素，各位嘅批評係可以理解，愛隊本身亦需要多作檢討。但聯賽係長途賽，而家只係過左大約一半路程，要知道而家由第一至第五位嘅分數只係相差唔超過6分實在有太多嘅變數，希望各位勿因愛隊一時失利而對愛隊作出悔辱或不切實際嘅批評，我哋一於同愛隊並肩而行繼續努力！
我哋下一場賽事將會係足總杯嘅賽事，一月八日星期一凌晨主場面對利物浦，我哋一於喺2024年呢一場開始重振球隊士氣！向5月溫布萊決賽進發！