雖然愛隊非常積極搶攻,但欠缺臨門一腳,反而被韋斯咸有機可乘。13分鐘,艾馬遜左路長傳入禁區,加比爾解圍但踢中施真高後反彈,保雲喺底線位置再傳到禁區中間比蘇捷射入領先1比0。不過呢個入球已經喺底線出咗界,但最後由偉大嘅科技VAR判入球有效。42分鐘,薩卡接應隊長奧迪哥特後腳交波,可惜中柱彈出未能攀平,最後客軍就憑一個具爭議性嘅入球領先1比0完上半場。
上半場愛隊可謂控制大局,攻勢已經一浪接一浪,但總係欠缺臨門一腳而多番失機,結果愛隊只能同客軍打成0比0平手。