週二, 05 三月 2024 07:51

作客鍚菲聯賽後報告

愛隊繼承上兩場賽事嘅入球show,當然就唔好比呢個勢頭停落嚟。今仗一開波我哋就係朝著大炒對手呢個方向前進!僅5分鐘,隊長奧迪哥特接應懷斯回傳近門冷靜射入領先1比0,正式揭開入球show序幕。13分鐘,薩卡扭過敵衛後傳中,保高門前擺烏龍領先至2比0。主隊球員喺驚魂未定不知所措下2分鐘後再次閃電失手。15分鐘,馬天尼利將比數改寫為3比0遙遙領先。25分鐘,馬天尼利助攻予夏維斯射成4比0。39分鐘,懷斯接應薩卡傳中球第一時間射入領先到5比0,最後亦以此比數完上半場。

58分鐘,夏維斯接應過頭波再回傳比韋治射入今季佢個人第2球兼今仗第6球,相贈錫菲聯6蛋,之後雙方互無紀錄。
喺聯賽榜方面愛隊27戰得61分排第3位,僅以1分及2分落後次席曼城及榜首利物浦。我哋下一場聯賽賽事將會喺6日後星期日凌晨主場迎戰狀態嫲嫲嘅賓福特,除咗全取3分之外,記得起碼入5球!

閱讀 95 次數