愛隊喺下半場攻勢依然旺盛，不過隊長奧迪哥特入球食炸糊，而懷斯同沙利巴又錯過入球機會，結果完場後總比數都係維持1比1，需要加時決勝負。
但喺加時30分鐘內比數依然不變，需要以互射12碼定勝負。焦點就落喺我哋嘅門將拉耶身上，佢先後救出韋恩迪同加連度嘅施射，可謂喺我哋晉級嘅英雄，而愛隊就4射全中，總計以5比3淘汰波圖14年後再度晉級最後8強，恭喜愛隊！
因為月中聯賽主場對車路士改期，我哋下一場賽事將會喺本月最後1日晚上作客大戰曼城，相信今仗係我哋可否繼闊別聯賽冠軍20年後嘅一場冠軍關鍵戰，寄望愛隊可以利用這兩星期時間準備嚟全取3分，我相信愛隊一定做到！
週四, 14 三月 2024 10:31
主場對波圖賽後報告
今仗愛隊展現非常大嘅決心勢要扭轉上仗作客葡萄牙1球落後劣勢，攻勢非常積極。4分鐘，韋治頭槌攻門，可惜高出。13分鐘，薩卡射門令到哥斯達甩手，但都無功而還。入球結果喺41分鐘出現，隊長奧迪哥特交出致命直線比托沙射向遠柱應聲入網領先1比0，2回合總計打成1比1平手。
發佈於
賽後報告