週一, 26 二月 2024 03:58

作客對紐卡素賽後報告

所謂君子報仇十年未晚,更何況係3個月前!喺上半場我哋攻勢可謂一浪接一浪。18分鐘,薩卡開出角球,加比爾頂頭槌導致門前混亂之下由博文擺烏龍替愛隊領先1比0。23分鐘,馬天尼利右路落底線傳中比門前嘅夏維斯撞入將比數拉開至2比0,結果亦以此比數輕鬆領先上半場返回更衣室。

下半場仍然係愛隊嘅世界,喜鵲真係冇心冇力捱打!65分鐘,薩卡右路好冷靜射遠柱入網將比數拋離到3比0。70分鐘,基維奧接應懷斯開出角球,近門頂入遙遙領先到4比0。84分鐘,客軍就由我哋嘅前隊員韋歷克破蛋,最後愛隊以4比1勝出今仗一報上次失3分之仇。
睇返聯賽榜方面,愛隊經過6連勝之後,現以26戰得58分排喺第3,落後榜首利物浦2分。
我哋下一場賽事將會喺下一個月5號,即6天後凌晨作客排係榜尾嘅鍚菲聯,睇怕都可以全取3分繼續追趕利物浦。

閱讀 105 次數