週日, 18 二月 2024 09:28

作客般尼賽後報告

上半場僅僅用咗幾分鐘就開始大屠殺的序幕,4分鐘,隊長奧迪哥特喺禁區外射入一球世界波領先1比0。之後愛隊反客為主控制戰局,41分鐘,隊長奧迪哥特妙傳比托沙殺入禁區後被阿沙干攔跌,球證判12碼,由薩卡主射得手擴大比數至2比0完上半場。

47分鐘,今場非常活躍嘅隊長奧迪哥特再次交出精準助功比薩卡推大位起腳射入,繼上仗對韋斯咸連續2場梅開二度領先至3比0。般尼可謂兵敗如山倒再喺66及78分鐘比托沙同夏維斯入多2球。愛隊最終作客般尼大炒5比0完場。
喺聯賽榜方面愛隊以25戰得55分排次席比榜首利物浦同為25戰少2分。而我哋下一場賽事將會喺星期四凌晨歐聯16強作客對波圖,寄望愛隊持續最近2場入11球0失球強勢再一次大炒呢一隊葡萄牙勁旅!

閱讀 137 次數