下半場一開波，哥華傑治就試喺禁區外施射，不過不中目標。戰情之後可以用平淡嚟形容，61分鐘，藍月將哥華傑治同埋霍頓換出，換入杜古同加利殊，欲想加強兩邊側擊，雖然傳中多咗，但同樣好似上半場一樣受制我哋嚴密嘅防守而冇乜具威脅攻門。愛隊亦嘗試先後調入湯馬斯，富安健洋，托沙同馬天尼利加強反擊，機會一直要去到尾段出現。86分鐘，托沙喺左路窄角度下笠射，但過唔到奧迪加，最後終以0比0握手言和。
睇返聯賽榜方面，因今輪比賽失咗2分，愛隊而家榜首位置被利物浦以2分壓過跌落第2位，得分65分，而曼城則繼續以64分守住第3位。
而我哋下一輪賽事將會喺3天後嘅星期四凌晨主場對盧頓，寄望愛隊要運用高效嘅戰術喺盧頓身上盡取3分兼多取得球，信愛隊一定做得到！