週一, 29 十一月 2021 05:44

主場對紐卡素賽後報告

上半場愛隊一開波即搶攻,先有薩卡接應長傳射斜,跟住有奧迪加特罰球比杜巴夫卡僅僅救出。之後舒維爾喺禁區外勁射比籃斯度撲到再中楣,真係抹一把汗。喺完半場前路維頭槌攻門比杜巴夫卡撲出不遠,本應隊長奧巴美揚近門可以easy執雞,但竟然世紀miss中柱彈出,結果就以0比0完上半場。

週一, 29 十一月 2021 05:43

作客對利物浦賽後報告

其實上半場愛隊都好積極搶攻,31分鐘拿卡錫迪射入過一球,但因為傳波嘅隊長奧巴美揚越位在先,被判詐糊。1分鐘之後,因文尼同富安健洋爭波碰撞,引起高普同達帥爆發激烈罵戰,差d開拖,結果各食1張黃牌。39分鐘阿諾特開出罰球,文尼近門頂入領先1比0,亦以此賽果完上半場。

週一, 29 十一月 2021 05:40

主場對屈福特賽後報告

上半場戰至6分鐘即出現戲劇性嘅詐糊入球,隊長奧巴美揚喺客軍門前傳球比薩卡射入網窩,但最終VAR判越位在先而入球無效。雖然愛隊之後取得較多控球權但具威脅攻門欠奉,去到33分鐘愛隊取得一個關鍵嘅12碼罰球,當時丹尼路斯喺禁區撞跌拿卡錫迪,球證判決極刑,由隊長奧巴美揚主射呢球12碼罰球,但被賓科士打捉到路兼接實,連埋今次在內,隊長已經連續兩次主射12碼罰球唔入,結果愛隊只能喺上半場失望地0比0與客軍打和。