下半場達帥立即變陣收起薩卡，改派韋治上陣加強防守，一場攻防大戰隨即展開。59分鐘，賀蘭頭槌攻門被近期表現神勇嘅拉也撲出，隨後再撲出法迪奧禁區內嘅勁射。喺久攻不下，曼城先後換入霍頓，加利殊同史東斯，結果去到補時第8分鐘，藍月開出左路角球，哥華傑治禁區內撞射過唔到神勇嘅拉也，但史東斯門前補射入網追和2比2完場。
我哋再睇返聯賽榜方面，愛隊被偷走2分之後以5戰得11分排第4名比同樣5戰嘅曼城少2分。
而我哋下一場賽事將會係聯賽盃第3圈賽事主場面對保頓。經過9月份連續3場作客硬仗嘅地獄賽程之後，相信達帥會藉今場賽事作出適當嘅輪換，COYG！
週一, 23 九月 2024 02:08
作客曼城賽後報告
上半場僅開賽冇耐，洛迪就同夏維斯碰撞需要軍醫入場治理，而佢亦喺16分鐘再同湯馬斯相撞受傷要退下火線。9分鐘，沙維奧喺右路擺脫卡拉費奧利再比直線賀蘭單刀地波破網，主隊以1比0領先。其後根度簡罰球中柱後愛隊就開始大反撲，22分鐘，愛隊靠罰球快開，馬天尼利喺左路底線回後至禁區邊，卡拉費奧利左腳世界波死角入網追平1比1。當以為和局返回更衣室，喺補時第一分鐘，加比爾接應薩卡右路開出的角球喺尾柱頭槌頂入為愛隊反超前領先2比1。原以為即將完上半場之際，再一次繼白禮頓一仗之後另一個具爭議性嘅2黄1紅事件再次出現喺補時第3分鐘，先前已領一張黃牌嘅托沙以阻開波為由再領多一面黃牌變一紅牌離場，令我哋要喺整個下半場要10人應戰，形勢頗為惡劣。
發佈於
賽後報告