週一, 25 十月 2021 05:44

今仗上半場愛隊一開波就非常積極搶攻,隊長奧巴美揚於8分鐘就率先入波,但因為拿卡錫迪犯規在先,被判食炸糊,隨後柏迪射門亦中楣彈出。去到23分鐘由路維開出角球,再由柏迪頂入領先1比0,亦係佢加盟愛隊以嚟第一個入球。補時階段,再由拿卡錫迪博到12碼由隊長奧巴美揚主射,雖然被馬天尼斯撲出,不過隊長立即上前補射入網,愛隊就以2比0領先上半場。

週一, 25 十月 2021 05:43

經過國際賽期之後,愛隊今仗都可算是夫添陣容。上半場愛隊初段亦都表現出色,比比8分鐘射門被擋出,隊長奧巴美揚窄位快腳補中1比0領先,不過領先後即走樣,被客軍反客為主控制戰局,雖然愛隊以1比0領先上半場,但於完半場前有薩卡被踢傷。

週一, 04 十月 2021 05:38

今仗愛隊只有一個變動,由盧干加代替受傷沙卡,前線繼續由隊長奧巴美揚配合路維、薩卡同奧迪哥特攻堅。
上半場白禮頓佔得較多控球權,不過愛隊亦有反擊能力,23分鐘,薩卡以速度擺脫丹般之後傳中,隊長窄位頂中柱。喺互無紀錄之下以0比0完上半場。

週一, 27 九月 2021 05:47

今仗北倫敦打吡同上場對般尼,愛隊喺正選陣容上只有一個變動,就係啱啱坐完波監兼今日係壽星仔嘅沙卡復任正選。
上半場一開波愛隊已經表現出極具侵略性同埋機動性,喺早段12分鐘就打開缺口。奧迪哥特喺中路引球推進,交波比右路嘅薩卡,佢即傳入中間比後上入楔嘅路維撞射破網,領先1比0。愛隊得勢不饒人,27分鐘,隊長奧巴美揚喺前場交波比左邊路維嚟一次one/two再

週二, 21 九月 2021 04:52

今仗愛隊可算是強陣出擊,上半場佔得比較多嘅優勢,不過愛隊幾乎係先失守嘅一隊,主隊班尼斯接應長傳,頭槌勁頂僅僅斜出,喺避過一劫後,我哋嘅入球就出現喺30分鐘,喺禁區外離門大約25碼獲得罰球,奧迪加特主射罰球越過人牆死角入網,愛隊就憑呢一球精彩入球領先上半場。