週一, 29 十一月 2021 05:44

上半場愛隊一開波即搶攻,先有薩卡接應長傳射斜,跟住有奧迪加特罰球比杜巴夫卡僅僅救出。之後舒維爾喺禁區外勁射比籃斯度撲到再中楣,真係抹一把汗。喺完半場前路維頭槌攻門比杜巴夫卡撲出不遠,本應隊長奧巴美揚近門可以easy執雞,但竟然世紀miss中柱彈出,結果就以0比0完上半場。

週一, 29 十一月 2021 05:43

其實上半場愛隊都好積極搶攻,31分鐘拿卡錫迪射入過一球,但因為傳波嘅隊長奧巴美揚越位在先,被判詐糊。1分鐘之後,因文尼同富安健洋爭波碰撞,引起高普同達帥爆發激烈罵戰,差d開拖,結果各食1張黃牌。39分鐘阿諾特開出罰球,文尼近門頂入領先1比0,亦以此賽果完上半場。

週一, 29 十一月 2021 05:40

上半場戰至6分鐘即出現戲劇性嘅詐糊入球,隊長奧巴美揚喺客軍門前傳球比薩卡射入網窩,但最終VAR判越位在先而入球無效。雖然愛隊之後取得較多控球權但具威脅攻門欠奉,去到33分鐘愛隊取得一個關鍵嘅12碼罰球,當時丹尼路斯喺禁區撞跌拿卡錫迪,球證判決極刑,由隊長奧巴美揚主射呢球12碼罰球,但被賓科士打捉到路兼接實,連埋今次在內,隊長已經連續兩次主射12碼罰球唔入,結果愛隊只能喺上半場失望地0比0與客軍打和。

週二, 02 十一月 2021 01:15

我哋香港厰迷好耐冇一齊現場睇波嘅時刻終於可以結束!球迷係時候出嚟聚一聚、現身支持球隊!

今季第一場睇波party會喺11月27日晚上8時30分主場迎戰可能係世界上最有米嘅球隊紐卡素!當晚我哋要賀一賀依支候選豪門新貴!!!
由於疫情影響公開活動關係、今場睇波party將設限40人以內。名額有限、請各位會員或非會員盡快報名!請電郵到 Email住址會使用灌水程式保護機制。你需要啟動Javascript才能觀看它 或 WhatsApp 53097315 告之出席人數,註明會員(會員號碼)或非會員,以方便統計人數。

週二, 02 十一月 2021 01:14

上半場好快就有一個好的開始,僅5分鐘由今仗為愛隊第100次上陣嘅薩卡開出角球,造就加比爾頭槌建功,極速打開紀錄領先1比0。13分鐘後佢再喺右路發動攻勢,雖然拿卡錫迪起唔到腳,但湯馬士解圍不遠比後上嘅路維快射得手,領先優勢去到2比0,亦以此記錄完上半場。