週日, 10 三月 2024 06:51

19分鐘,一次非常好嘅功勢由韋治傳中比懷斯頂入領先1比0,亦係佢連續2場都有入球。不過今場波有一次大失誤喺上半場補時第4分鐘發生,因為拉耶唔可以對回原屬球會,由藍斯度把關,好不幸地喺接應回傳後大腳解圍省中快步衝前出腳攔截嘅韋沙彈入網比賓福特追平1比1完上半場。

週二, 05 三月 2024 07:51

愛隊繼承上兩場賽事嘅入球show,當然就唔好比呢個勢頭停落嚟。今仗一開波我哋就係朝著大炒對手呢個方向前進!僅5分鐘,隊長奧迪哥特接應懷斯回傳近門冷靜射入領先1比0,正式揭開入球show序幕。13分鐘,薩卡扭過敵衛後傳中,保高門前擺烏龍領先至2比0。主隊球員喺驚魂未定不知所措下2分鐘後再次閃電失手。15分鐘,馬天尼利將比數改寫為3比0遙遙領先。25分鐘,馬天尼利助攻予夏維斯射成4比0。39分鐘,懷斯接應薩卡傳中球第一時間射入領先到5比0,最後亦以此比數完上半場。

週一, 26 二月 2024 03:58

所謂君子報仇十年未晚,更何況係3個月前!喺上半場我哋攻勢可謂一浪接一浪。18分鐘,薩卡開出角球,加比爾頂頭槌導致門前混亂之下由博文擺烏龍替愛隊領先1比0。23分鐘,馬天尼利右路落底線傳中比門前嘅夏維斯撞入將比數拉開至2比0,結果亦以此比數輕鬆領先上半場返回更衣室。

週一, 26 二月 2024 03:52

21分鐘,主隊有d唔聲唔聲就嚇你一驚,加連奴射中柱兼補射斜出。35分鐘,沙利巴接應薩卡角球,可借頂出界,結果喺比較沉悶嘅上半場互無紀錄返回更衣室。

週日, 18 二月 2024 09:28

上半場僅僅用咗幾分鐘就開始大屠殺的序幕,4分鐘,隊長奧迪哥特喺禁區外射入一球世界波領先1比0。之後愛隊反客為主控制戰局,41分鐘,隊長奧迪哥特妙傳比托沙殺入禁區後被阿沙干攔跌,球證判12碼,由薩卡主射得手擴大比數至2比0完上半場。