週一, 01 三月 2021 04:52

今場喺賽前有一個好消息 李斯特城麥迪臣缺陣,而愛隊兩日前經過舟車勞動喺雅典踢完歐霸盃賽事趕返倫敦,今日再北上作客利斯特城,所以達帥陣容上多個位置作出輪換,而隊長奧巴美揚先列後備,由拿卡錫迪代替兼代隊長,比比同韋利安作出支援。
上半場狐狸喺5分鐘就有個好開始,迪拿曼斯右邊個人突破喺禁區施射得手先開紀錄1比0。6分鐘後,比比禁區被迪拿曼斯侵犯,但經VAR翻睇之後未有比12碼,直至上半場尾段38分鐘韋利安右路開出罰球,雷斯頭槌一頂破網,追成1比1平手。愛隊愈踢愈有貨,補時階段安迪迪禁區內犯手球,球證再一次要睇VAR,最終判決12碼由拿卡錫迪主射中鵠,愛隊半場反超前2比1。

週一, 01 三月 2021 04:51

今場愛隊比較首回合嘅正選陣容只係作出1個調動,迪恩尼頂替蘇亞利斯出任正選。上半場客軍喺開賽初段相當主動,不過率先有威脅埋門機會都係愛隊,開波8分鐘,沙卡斜傳比企喺龍門前嘅隊長奧巴美揚窄角度射門被門將擋出。21分鐘,今場非常活躍嘅隊長突破越位接應薩卡妙傳,半單刀之下射入領先1比0。不過賓菲加喺完半場前2分鐘獲得罰球,干沙維斯直射破網,為客軍半場追成1比1平手。

週一, 22 二月 2021 05:59

今仗曼城有迪布尼養傷1個月後首度正選上陣,客軍更於開賽2分鐘憑史達寧接應馬列斯右路傳中,頂贏賀定破網1比0閃電領先,愛隊又一次因後防不集中精神而付上代價。藍月之後亦佔得較多攻勢,最後愛隊喺上半場只能製造1次埋門機會下落後0比1結束上半場。

週一, 22 二月 2021 05:54

今場愛隊歐霸盃32強首回合作客賽事因應疫情安排喺中立場羅馬嘅奧林匹高球場上演,今場與上一場贏列斯聯嘅陣容完全一樣,隊長奧巴美揚掛帥,奧迪哥特亦正選。
上半場除隊長錯過一次近門黄金機會之外都冇乜對賓菲加埋門嘅機會,結果半場互無紀錄0比0。

週二, 16 二月 2021 15:06

喺今場賽事之前3場英超不勝僅1和2負,賽前都擔憂愛隊的不穩定演出是否持續。今場隊長奧巴美揚復任正選而拿卡鍚迪則退居後備。上半場愛隊表現大有改進,擺脫慢熱嘅壞習慣,13分鐘就由隊長奧巴美揚由左路殺入禁區射近柱入網迅速領先1比0。其後薩卡殺入禁區被對手撞跌,但球證睇完VAR後不認為係12碼!列斯聯避過初一避唔到十五,41分鐘,門將梅斯利亞控球甩腳一時情急踢跌搶到皮球嘅薩卡,今次真係被判罰12碼。由隊長主射入網成2比0,亦係佢喺歐洲比賽嘅第200個入球。臨完上半場比利連近門窄角度射成3比0完上半場。