下半場謹謹開波6分鐘就出現驚險情況，51分鐘，艾達臣殺入禁區被湯馬斯拉跌而博得12碼，不過利迪基主射被我哋神勇嘅拉也捉到路救出兼隨即撲出利迪基嘅後補頭槌，簡直不可思議！愛隊稍後變陣換入托沙，佐真奴同史達寧。75分鐘，馬天尼利接應史達寧妙傳成單刀姿態殺入禁區，好可惜臨門一腳卻射上看台，最終亦以0比0完場，喺不利嘅賽程及面對強勁對手之下可以作客取得一分算係唔錯嘅賽果。
喺國際賽期之後連續三場作客硬仗最後一場將會喺2日後喺聯賽作客硬碰曼城，我哋一於咬緊牙根勢必全取3分！
週五, 20 九月 2024 01:52
作客亞特蘭大賽後報告
首先要恭喜耶穌仔喺本季首次正選就以暫代隊長身份帶領愛隊作賽。因賽程緊密關係上半場愛隊踢得非常謹慎，所以射門次數不多。14分鐘薩卡喺禁區頂主射罰球，可惜被卡尼錫基撲出，而呢次罰球機會亦係愛隊上半場最有威脅嘅射門，結果喺互無紀錄下結束上半場返回更衣室。
發佈於
賽後報告