週三, 27 一月 2021 14:30

聯賽作客修咸頓賽後報告

愛隊繼3日前喺足總盃被修咸頓淘汰後,今仗喺另一戰線英超再鬥聖人兼成功報回一箭之仇!
今仗隊長因家事而再次缺陣,上半場一開波即有拿卡錫迪單刀失機唔能夠先開記錄反而2分鐘後比修咸頓得到一個角球造就岩士唐怒射破網以1比0領先愛隊。愛隊企穩陣腳後,比比喺禁區內射成1比1追平,時為上半場8分鐘,直至尾段39分鐘拿卡錫迪妙傳薩卡射入反超前2比1完上半場。

下半場嘅入球一直到72分鐘先出現,今次就由薩卡助攻比拿卡錫迪近門撞入,最後愛隊以3比1擊敗修咸頓以報足總盃出局之仇。
愛隊近6場聯賽5勝1和強勢反彈看似擺脫低潮期,不過第一道真正嘅考驗就係嚟緊嘅31號凌晨主場火拼曼聯,寄望愛隊今季繼作客擊敗曼聯後再喺主場再次擊敗 曼聯!COYG!

閱讀 169 次數