週日, 31 一月 2021 03:56

主場對曼聯賽後報告

愛隊今埸有奧巴美揚同薩卡避戰,由拿卡錫迪、比比、馬天尼利、路維合作攻堅,而皇馬借將奧迪哥特先列後備。
上半場初段雙方一直處於膠著狀態,直至20分鐘曼聯憑藉角球攻勢,費特喺禁區邊起腳,利奴精彩飛身撲出。我哋5分鐘後亦以角球攻勢還以顏色,不過沙卡勁頂欠角度無功而還。34分鐘,般奴喺左路禁區射遠柱僅僅斜出,最終以0:0完半場。

下半場愛隊開始發力,拿卡錫迪喺64分鐘快射罰球,可惜中横楣。萬眾期待嘅奧迪哥特於83分鐘入替,但因時間太短及缺乏默契而表現一般,尾段紅魔差d打破缺口,雲比沙卡傳中,卡雲尼近門窩利射斜,最終以0比0賽和。
雖然今場打和失2分,但係愛隊已經朝正確方向慢慢向前邁進,希望各位廠迷可以比多d正能量為愛隊球員打氣!期望三日後凌晨作客近況不佳嘅狼隊有更佳嘅表現全取3分。

閱讀 1130 次數