上半場20分鐘，托沙喺左邊放一個好靚嘅長傳入禁區，夏維斯恰到好處趁當拿隆馬出迎之際頂入空門先拔頭籌領先1比0。35分鐘，薩卡喺右路開罰球內彎至門前大漏直接射入網將比數擴大至2比0，上半場亦以此比數完結返回更衣室。

愛隊今仗攻勢一浪接一浪，20分鐘，添巴傳中比馬天尼利射入遠柱領先1比0。補時第一分鐘，馬天尼利左路傳中，今次由托沙門前撞射得手領先至2比0完上半場。

今仗達帥作出多個調動，而16歲嘅門將樸達同史達寧亦為愛隊首次正選上陣。16分鐘，旺拿尼喺右路傳中，客軍嘅艾菲特就喺禁區頂解圍失誤下被懷斯順勢推橫射入領先1比0。37分鐘，史達寧突圍傳中比旺拿尼門前撞入，上半場愛隊就以2球優勢返回更衣室。

上半場僅開賽冇耐，洛迪就同夏維斯碰撞需要軍醫入場治理，而佢亦喺16分鐘再同湯馬斯相撞受傷要退下火線。9分鐘，沙維奧喺右路擺脫卡拉費奧利再比直線賀蘭單刀地波破網，主隊以1比0領先。其後根度簡罰球中柱後愛隊就開始大反撲，22分鐘，愛隊靠罰球快開，馬天尼利喺左路底線回後至禁區邊，卡拉費奧利左腳世界波死角入網追平1比1。當以為和局返回更衣室，喺補時第一分鐘，加比爾接應薩卡右路開出的角球喺尾柱頭槌頂入為愛隊反超前領先2比1。原以為即將完上半場之際，再一次繼白禮頓一仗之後另一個具爭議性嘅2黄1紅事件再次出現喺補時第3分鐘，先前已領一張黃牌嘅托沙以阻開波為由再領多一面黃牌變一紅牌離場，令我哋要喺整個下半場要10人應戰，形勢頗為惡劣。

首先要恭喜耶穌仔喺本季首次正選就以暫代隊長身份帶領愛隊作賽。因賽程緊密關係上半場愛隊踢得非常謹慎，所以射門次數不多。14分鐘薩卡喺禁區頂主射罰球，可惜被卡尼錫基撲出，而呢次罰球機會亦係愛隊上半場最有威脅嘅射門，結果喺互無紀錄下結束上半場返回更衣室。