下半場愛隊換入哈伐斯同佐真奴，53分鐘，韋治小禁區埋門羅美路舉起左手擋出皮球後獲VAR判愛隊12碼由薩卡操刀射入再度領先2比1。但隨即喺中圈開波後由麥迪臣搶到猶疑不決嘅佐真奴腳下球再交比助攻嘅孫興慜單刀射遠柱得手梅開二度兼追和2比2。86分鐘，哈伐斯禁區外炒高，結果再經過補時10分鐘後仍然互無紀錄最後以2比2言和。
聯賽榜方面，我哋以6戰得14分同熱刺同分，但得失球差而排名第5位， 小榜首曼城4分。寄望愛隊喺聯賽慢慢長路之中保持耐性減少錯誤，再次迎難而上繼續努力！
我哋下一場賽事將會馬不停蹄喺星期四凌晨於聯賽盃第三圈作客賓福特。
週一, 25 九月 2023 02:01
主場對托定咸熱刺賽後報告
上半場3分鐘，孫興慜將比素馬嘅埋門改變方向將皮球送入網，但越位在先可謂有驚無險。14分鐘，薩卡傳中比耶穌仔左路近底線射門，但被域卡利奧救出。16分鐘，尤度基回傳乏力，尼基迪亞半單刀射近柱又被救出。戰況去到26分鐘終打開紀錄，薩卡帶波切入中路射門省中羅美路改變方向破網領先1比0。領先後當然繼續攻，31分鐘，耶穌仔禁區逼甩麥迪臣腳下球抽射，可惜射高。37分鐘，麥迪臣右路傳中比莊遜抽射，好彩拉耶撲出，42分鐘，莊遜射門被撲出，麥迪臣搶到皮球喺底線傳中，孫興慜第一時間撞射貼遠柱入網追平1比1完上半場。
發佈於
賽後報告