下半場紅軍作出調動，以高美斯入替大跌Watts嘅阿奴，53分鐘，祖達直傳比走斜線入禁區嘅費明奴冷靜射入佢個人今季第6球，再度追平2比2。不過勝利仍然屬於如日中天兼運氣絕佳嘅阿仙奴！73分鐘，耶誕仔喺禁區內被艾簡達拿侵犯被判12碼，由薩卡操刀射入梅開二度帶領愛隊以3比2報回上季1和3敗之仇。
賽後愛隊9戰24分以1分領先次度曼城居於榜首，紅軍則跌至近來新低嘅第10位。
本週緊接落嚟就係4天後即14號星期五凌晨於歐霸盃作客波度基林特，希望各小將爭取表現一挫呢一隊挪威班霸。
週五, 14 十月 2022 06:08
主場對利物浦賽後報告
上半場一開波，愛隊就喺後場截到皮球，立即傳到前場比薩卡嚟一次快速反擊，隊長奧迪哥特接到傳波，再送直線比左路殺入禁區嘅馬天尼利熨射入網領先1比0，僅58秒！紅軍發完夢之後慢慢開始掌控番比賽節奏。34分鐘，阿奴送一個過頭波比迪亞斯快速入攝右路傳入中路比紐尼斯門前撞射成追和1比1。不過迪亞斯冇耐亦因傷退下火線，紅軍以費明奴入替。上半場補時5分鐘，馬天尼利沿左路殺入禁區，傳到遠處冇人看管嘅薩卡門前鏟入再度領先，愛隊亦帶著2比1嘅優勢返回更衣室。
發佈於
賽後報告