下半場可以講係一場攻防戰,列斯聯換入班福特後即表現脫胎換骨功力大增,64分鐘班福特喺小禁區內擺脫加比爾後射入,不過VAR檢視後由於佢侵犯加比爾在先,入球無效。其後愛隊後防可謂風聲鶴唳及信心全失,60分鐘沙利巴禁區內手球,經VAR檢視後判罰12碼,但班福特主射右邊出界,大難不死。85分鐘後備尼基迪亞6碼點近射,可惜出界,補時階段班福特同加比爾喺禁區內互有動作,球證一開始判罰加比爾紅牌兼判處12碼,經VAR檢視後犯規位置喺禁區外,球證改判黃牌,主隊亦未能憑罰球扳平,結果愛隊喺非常有運之下順利作客以1比0小勝而回全取3分,經過10場比賽之後得27分繼續排於榜首。
我哋下一場賽事將會喺歐霸盃,5日後即星期五凌晨主場迎戰荷蘭勁旅燕豪芬。