週一, 10 十月 2022 01:08

主場對波度基林特賽後報告

上半場愛隊喺穩打穩紮之下終於喺23分鐘打開缺口,喺馬天尼利一次快速反擊禁區左路比後上嘅迪恩尼射門,但中柱彈出,啱啱好皮球落喺尼基迪亞面前輕鬆執雞領先1比0。27分鐘,愛隊得到一個罰球,開出罰球後客軍解唔到圍再落喺開完罰球喺維亞拿腳下,佢右路傳送比賀定頭槌頂成2比0,最後亦以此比數完上半場。

雖然波度基林特下半場亦有d反擊攻勢,不過埋門一腳欠準繩。58分鐘換入耶穌仔,佢喺尾段84分鐘憑個人突破落左邊底線殺入禁區交比維亞拿撞入埋齋以3比0大勝波度基林特,愛隊暫時喺歐霸盃A組2連勝後得6分高踞榜首,領先燕豪芬及波度基林特2分。
喺好輕鬆咁勝出今場歐霸盃之後,十月份第二場地獄賽程將會喺後天爆發,喺星期日返回英超聯賽主場硬拼利物浦,希望愛隊係紅軍今季狀態稍為回落之下報卻上季喺聯賽加盃賽1和3敗之仇,全取3分繼續向冠軍進發!

閱讀 512 次數