週一, 23 五 2022 10:17

作客紐卡素賽後報告

上半場主隊佔得較多優勢,控球率有67%,愛隊雖有攻勢,但無甚威脅。36分鐘,麥斯文扭過富安健洋,推大位射近柱,好彩藍斯度反應快瞓身撲出。上半場互無紀錄返回更衣室。

下半場56分鐘,祖亞寧頓喺左路傳中,賓韋治擺老烏為主隊先開紀錄1比0。落後之下愛隊仍然毫無起色,更於完場前85分鐘再失守被基馬尼斯射入,最終愛隊以0比2不敵紐卡素完場。
愛隊全失3分後,以37場66分排第5位,比第4位熱刺少2分,前四之爭可謂極之渺茫,不過希望愛隊唔好氣餒喺5日後主場對愛華頓呢場今季最後一戰可以放鬆心情打出應有嘅水準,以勝利完結2021/22年度賽季!

閱讀 127 次數
此分類更多內容: « 作客熱刺賽後報告