下半場54分鐘，水晶宮再有第二次黄金機會，艾斯喺快攻接應沙夏嘅傳送，窄角度起腳，當然亦逃不出藍斯度5指關。62分鐘，安達臣接應角球頂返禁區，加比爾差d擺老烏，多得藍斯度反應快撲出。大難不死愛隊真係有後福，85分鐘薩卡傳中省中基爾擺烏龍入網，最終愛隊作客以2比0擊敗水晶宮打嚮頭炮。
經過今季第一場揭幕戰之後，愛隊以1戰1勝得3分暫時排喺久違好耐嘅聯賽榜首位。希望下星期六今季第一場主場出擊可以再接再厲擊敗利斯特城再全取3分！
週二, 09 八月 2022 02:09
作客對水晶宮賽後報告
上半場愛隊喺5分鐘就差d開紀錄，捷西斯射門被擋出，馬天尼利喺大好機會下補射竟然斜出，浪費黃金機會。不過佢亦喺20分鐘以功補過，薩卡角球開出比施真高頭槌二傳，馬天尼利近門頂入，愛隊先開紀錄領先1比0。42分鐘，主隊亦有1次黄金機會，艾斯罰球開出，安達臣二傳，艾度亞頭槌攻門，好彩藍斯度飛身撲出，上半場愛隊就憑馬天利尼入球領先水晶宮1比0進入更衣室。
發佈於
賽後報告