週五, 13 五 2022 05:37

作客熱刺賽後報告

上半場22分鍾,蘇亞雷斯用手推跌影帝被判極刑,由簡尼射入12碼領先1比0。26分鐘賀定因踢跌影帝領咗一張黃牌,7分鐘後,好不幸佢又用前臂擊中影帝,兩黃一紅出場。主隊就憑人多打人少嘅優勢繼續發難,37分鐘,影帝喺右路開出角球,比坦古亞頭槌二傳比簡尼頂入將比數擴大至2比0完上半場。

下半場唔夠2分鐘,孫影帝再入多一球替主隊遙遙領先3比0。雖然大勢已去,但愛隊仍然積極尋求入波機會,可惜尼基迪亞、薩卡同隊長奧迪哥特都錯失曾經有過嘅入球機會,愛隊最終以0比3敗走白鹿徑。
愛隊而家餘下兩輪賽事將會面對4日後作客紐卡素及主場煞科戲對愛華頓,雖然今場敗北,但主導權仍然喺自己手裡面,愛隊要好好把握得來不易嘅優勢為前4全取6分!

閱讀 484 次數