下半場初段愛隊又一次差d失守。54分鐘，安拿拿施射省中人改變方向中楣，皮球落喺門前嘅屈堅斯插水式頂頭槌，好彩拉也反應極快撲出，super save！愛隊喺65分鐘以托沙換入狀態麻麻嘅馬天尼利，呢位福將一入場2分鐘就贏波，佢接應薩卡嘅傳中射入先開紀錄1比0。77分鐘，又係薩卡助攻比湯馬斯喺禁區頂射入拉開比數2比0，愛隊最後亦以2球力克維拉報回上季失分之仇兼開季兩連勝0失球。
睇返聯賽榜方面，愛隊與曼城同為6分，藍月僅以多1球得球排榜首。而我哋下一場賽事將會喺下星期六主場對近況奇佳嘅白禮頓，不過唔洗諗咁多一於期待三連勝！
週日, 25 八月 2024 03:58
作客對維拉賽後報告
其實上半場戰情非常沉悶，雖然愛隊控制咗比賽節奏但攻門寥寥可數，反而第一個有威脅嘅攻門來自主隊，25分鐘，加比爾被庇利偷走腳下球，再由羅渣士傳入禁區比屈堅斯近門第一時間射門……竟然射斜，維拉未能先開紀錄埋下輸波伏筆，最後上半場踢成0比0返回更衣室。
發佈於
賽後報告