59分鐘，加比爾受傷退下火線，改由施真高入替。69分鐘，喺開鑼戰受重傷差不多休息整季嘅添巴正式後備入替韋治踢右閘。89分鐘，愛隊整場圍攻下，卒之有回報，夏維斯門前接應隊長奧迪哥特嘅傳送建奇功喺完場前領先2比1，結果愛隊喺煞科戰以2比1勝出，但因為曼城同日亦以3比1擊敗韋斯咸，愛隊連續第2季以第2名結束賽季。
睇返聯賽榜方面，愛隊最終以38戰得89分比榜首曼城少2分而屈居亞軍。雖然最後都唔可以一圓20年前嘅冠軍夢，但經過兩季不斷進步，愛隊喺可見嘅將來將會係一支實力優厚嘅爭標隊伍！球迷會喺度向所有愛隊嘅職/球員及團結一心嘅廠迷致敬！各位辛苦了！期望下一季捲土重來，英超同歐聯一決高下。加油！
週一, 20 五 2024 13:45
主場對愛華頓賽後報告
好不幸薩卡喺今場最後煞科戲受傷缺陣，由馬天尼利代替。12分鐘，懷斯一腳甚有威脅射門被碧福特接着。16分鐘，今次輪到馬天尼利殺入禁區篤射，不過亦都一樣過唔到碧福特。及後愛隊一直控制大局圍攻愛華頓，直到32分鐘客軍先有一次非常具威脅射門，好彩卡法路雲射門中柱。40分鐘，愛華頓喺左路禁區前博到罰球由基耶主射省中人牆中嘅懷斯頭部改變方向，令拉耶未能作出反應之下入網令愛隊意外落後0比1。不過好快又比我哋追和，43分鐘，富安健洋接應隊長奧迪哥特右路落底傳中喺禁區內熨射破門追成1比1，上半場亦以此比數完結。
發佈於
賽後報告