下半場愛隊並無因上半場加時嘅失球而影響士氣，67分鐘，今次輪到紅軍出錯回禮，愛隊一次長傳比馬天尼利入紅軍禁區，雲迪克同出迎嘅阿里遜發生誤會，皮球反而撞咗比馬天尼利射入空門領先2比1。落後嘅紅軍換入紐尼斯，艾利亞治同傷好冇耐嘅羅拔臣，不過表現仍然麻麻，77分鐘，麥阿里士打嘅窩利射門未有中框，不過已算係較有威脅嘅一射。屋漏兼逢夜雨，88分鐘，干拿迪兩黃一紅被逐，10人應戰嘅紅軍已經返魂乏術，更加喺下半場補時第2分鐘被後備入替嘅托沙射入第3球以3比1擊敗利物浦，終止佢哋聯賽4連勝。
睇番聯賽榜方面，愛隊23戰得49分同小賽一場嘅曼城同分，但計得失球差而排第3位，比榜首利物浦小2分。
我哋下一場賽事將會係倫敦打比，喺嚟緊嘅大年初二晚上作客韋斯咸，我哋一於要全取3分超利趕曼咬住佢哋！
週一, 05 二月 2024 06:28
主場對利物浦賽後報告
上半場14分鐘，隊長奧迪哥特交個靚波比夏維斯單刀射門，雖然被阿里遜擋出，不過薩卡門前補中領先1比0。21分鐘，阿奴喺後場傳球失誤，愛隊差d可以將比數壙大，但比雲迪克擋走隊長奧迪哥特嘅射門。喺上半場補時第3分鐘，喺比賽中未有真正射過門嘅紅軍，藉我哋一次犯錯扳平，當時沙利巴喺禁區壓住迪亞斯想等拉耶出迎沒收皮球而冇大腳清走皮球，反而被迪亞斯將個皮球傳出而導致回防嘅加比爾擺老烏，上半場就以1比1平手返回更衣室。
發佈於
賽後報告