49分鐘,盧頓再次憑角球攻勢由艾迪巴約頂入追成平手。57分鐘巴克利沿左路突破施射,拉耶落地時間有所誤差比皮球喺腋下溜入網,盧頓反超前3比2。不過愛隊憑將士用命只需3分鐘就再度追平,60分鐘,夏維斯接應耶穌仔傳送後快腳射成3比3。進入補時第7分鐘,當看似要失2分之度,愛隊發揮團隊精神傾全力爭勝,隊長奧迪哥特斬波入禁區由懷斯頂入奠勝一球,就係呢個入球令愛隊得到最後勝利贏4比3。
睇返聯賽榜方面愛隊以15戰得36分,領先少賽1場嘅利物浦5分。我哋下一場賽事將會喺嚟緊嘅星期日凌晨作客對由前領隊艾美利帶領嘅阿士東維拉,睇番近況同狀態兼擁有主場之利嘅維拉的確有少許棘手,不過我哋亦有遇神殺神遇維拉殺維拉嘅心態一於全取3分!