下半場53分鐘，隊長奧迪哥特快開罰球，尼基迪亞好有默契殺入禁區被莊士東撲跌，愛隊獲得12碼，由隊長奧迪哥特操刀射入打破缺口領先1比0。愛隊喺形勢大好之下遇到阻滯，67分鐘，富安健洋領第2面黃牌被逐，愛隊少踢一人。造就水晶宮喺末段狂攻，愛隊因應形勢亦先後換入多名守將，最終喺眾將用命銅牆鐵壁防守之下力保1比0勝局開局兩連勝與白禮頓及曼城同列榜首。
下一場賽事將會喺4日之後主場倫敦打比對富咸。亦都喺呢度順帶一提呢場賽事球迷會將會安排睇波party喺Dee哥嘅西餐工房，希望各位踴躍參加多多捧場！
主隊比較有威脅攻勢出現喺上半場15分鐘，艾耶擺脫富安健洋後傳中，不過藍斯度解圍有驚無險。愛隊嘅進攻開始慢慢發揮，尼基迪亞起腳中柱。36分鐘，懷斯喺禁區邊傳比尼基迪亞單刀，可惜射高出界。42分鐘，隊長奧迪哥特遠射又被莊士東撲出底線，結果踢成0比0完上半場。