下半場75分鐘，托沙同迪恩尼後備上陣，僅兩分鐘後喺77分鐘被迪布尼頂比彭馬入禁區右路左腳妙射遠柱得手，曼城領先1比0。隨後呢支3冠王仲有機會將比數擴大，但係霍頓射門同洛迪嘅頭槌，都過唔到藍斯度。戲劇性嘅一幕就喺補時補上補發生，補時8分鐘湯馬斯同獲加受傷接受治療再延長補時時間，結果去到第101分鐘，托沙射門省中阿簡治後改變方向入網，令比賽要進入12碼決勝，曼城喺頭3射竟然迪布尼同洛迪先後宴客，愛隊則4射全入，由輸變贏捧走社區盾，而曼城連續第3年喺呢項賽事落敗。
慈善盾是否奪冠魔咒？真係唔知，但希望大家有一個信念就係相信愛隊！用自信及勝利的好兆頭開啟新一季。
我哋下一場賽事將會喺5天後聯賽開鑼戰主場面對2屆歐冠冠軍諾定咸森林
週一, 07 八月 2023 02:51
慈善盾對曼城賽後報告
上半場早段愛隊表現得甚為慢熱，而第一次埋門則由曼城喺14分鐘靴蘭迪斯禁區頂起腳，不過省中懷斯後出界。之後愛隊開始上力反攻，25分鐘，哈伐斯禁區內轉身一射被奧迪加擋出，馬天尼利再衝上補射，但省中史東斯。40分鐘，哈伐斯接應薩卡右路底線傳中，喺小禁區前起腳，但再一次被奧迪加擋出。完半場前，藍斯度企位稍出一d，洛迪即喺半場笠射，但無功而還。結果上半場以0比0互無記錄進入更衣室。
發佈於
賽後報告