週二, 12 一月 2021 14:12

主場對紐卡素作客報告

愛隊今仗陣容作出一d調動,不過都係強陣出擊,以隊長奧巴美揚、尼爾遜、韋利安同比比合作攻堅。上半場愛隊雖然佔有控球優勢,但攻門威脅認真平平欠缺臨門一腳,上半場以0比0完場。
下半場愛隊依然未有起色,達帥決定先後換入薩卡及路維取替表現欠佳嘅尼爾遜及韋利安。當各人都覺得賽事將要進入加時之際,喺補時2分鐘,紐卡素喺右路發難,皮球落喺卡路爾腳下,佢當機立斷以地波射門,利奴神勇撲出未有比紐卡素絕殺出局,最終以0比0進入加時階段。

95分鐘,沙卡喺禁區邊窩利勁抽,杜巴卡飛身救出。 路維喺較早時間走甩紅牌,結果喺109分鐘做埋英雄,佢同拿卡錫迪做one-two後射入領先1比0,8分鐘後隊長亦打破佢嘅入球荒,射入奠定勝局嘅保險球,最後愛隊勝2比0完場。
雖然愛隊同紐卡素呢場足總盃第3圈賽事要激戰到加時階段要廠迷天寒地凍三更半夜捧場,但依然無阻廠迷對愛隊嘅熱誠,期待本週五凌晨愛隊主場對水晶宮嘅倫敦打吡可以再接再厲延續5連勝!

閱讀 147 次數