週五, 06 十一月 2020 03:28

歐霸盃主場對莫迪賽後報告

上半場初段愛隊喺仲未入局咁情況下比莫迪嘅艾寧臣突施以冷箭遠射入網以1比0先開紀錄。繼後愛隊漸漸控制戰局,喺完半場前比比傳中,尼基迪亞搶點射入但係越位在先入球無效,不過喺補時階段,愛隊作出一次角球快速反擊,尼基迪亞橫傳門前,喺韋洛克力壓之下變成侯根擺老烏,結果上半場就以1比1平手進入更衣室。

下半場面對莫迪全軍退守,愛隊仍然好有耐性組織攻勢,打破僵局嘅一球就喺62分鐘出現,韋洛克右路傳中,仙恩門前再一次擺老烏,愛隊反超前2比1。十分鐘後,薩卡左路傳中,比比第一時間撞射破網比數拉開至 3比1,直到完場前比比直線傳送,韋洛克不負所託勁射破網,大勝4比1完場,愛隊亦於歐霸盃分組賽3戰3勝以9分高踞榜首,晉級可以講話高唱入雲。而家我哋又要將焦點放返喺聯賽,於3日後凌晨主場對維拉,願愛隊努力不懈,努力加油 COYG!

閱讀 70 次數