愛隊係繼上屆歐霸盃32強後再一次對奧林比亞高斯,而比較心水清嘅廠迷對佢哋嘅球場卡雷斯卡基斯體育場 一定唔會陌生,上一圈喺中立場代替我哋主場淘汰賓菲加就係喺呢個球場贏佢哋晉級。
上半場亦真係有一個好嘅開始由奧迪哥特喺禁區外一球世界波以1比0先開紀錄,亦係佢加盟後入嘅第一球,助愛隊半場領先1比0。
今場喺賽前有一個好消息 李斯特城麥迪臣缺陣,而愛隊兩日前經過舟車勞動喺雅典踢完歐霸盃賽事趕返倫敦,今日再北上作客利斯特城,所以達帥陣容上多個位置作出輪換,而隊長奧巴美揚先列後備,由拿卡錫迪代替兼代隊長,比比同韋利安作出支援。
上半場狐狸喺5分鐘就有個好開始,迪拿曼斯右邊個人突破喺禁區施射得手先開紀錄1比0。6分鐘後,比比禁區被迪拿曼斯侵犯,但經VAR翻睇之後未有比12碼,直至上半場尾段38分鐘韋利安右路開出罰球,雷斯頭槌一頂破網,追成1比1平手。愛隊愈踢愈有貨,補時階段安迪迪禁區內犯手球,球證再一次要睇VAR,最終判決12碼由拿卡錫迪主射中鵠,愛隊半場反超前2比1。