週一, 22 三月 2021 12:53

作客韋斯咸賽後報告

愛隊今仗繼續以缺態嘅隊長奧巴美揚同拿卡錫迪合作攻堅。上半場15分鐘,近況甚勇嘅連加特接應隊友傳送後略為控高皮球後球不著地勁射掛網鎚仔幫領先1比0。兩分鐘後,又係連加特,佢喺我哋後半場左邊快開罰球比查洛保雲射破企喺近柱嘅利奴,擴大比數至2比0。我哋嘅球員尤如尚未瞓醒,喺32分鐘比蘇捷將比數拉開至3比0。可能韋斯咸以3比0遙遙領先諗住大局已定,但世事往往出人意表,喺尾段38分鐘,拿卡錫迪喺禁區接得皮球後斜身射出一記好靚嘅射球,不過皮球掂到蘇捷後變成擺烏龍令愛隊追至1比3完上半場。

愛隊亦開始喺下半場夢醒展開“夢醒反擊戰”,61分鐘,多遜擺烏龍令比數追至2比3。最後喺81分鐘,拿卡錫迪接應比比右路傳中頂入韋斯咸大門為愛隊追成3比3,最後亦以此比數打和今仗賽事。愛隊喺聯賽榜亦以42分微升一級排第9位。
相信亦係老生常談,上半場我哋就係表現非常慢熱又唔集中精神,達帥選人上亦有商榷嘅餘地。可幸嘅就係久違了嘅鬥心喺今仗嘅逆境波中再次展現。球迷會寄望呢一種鬥心可以一直延續落去 !期望下月4日聯賽主場對今非昔比嘅紅軍,不論輸贏,再次發揮今場嘅鬥心同團隊精神!COYG!

閱讀 263 次數