愛隊今仗陣容作出一d調動,不過都係強陣出擊,以隊長奧巴美揚、尼爾遜、韋利安同比比合作攻堅。上半場愛隊雖然佔有控球優勢,但攻門威脅認真平平欠缺臨門一腳,上半場以0比0完場。下半場愛隊依然未有起色,達帥決定先後換入薩卡及路維取替表現欠佳嘅尼爾遜及韋利安。當各人都覺得賽事將要進入加時之際,喺補時2分鐘,紐卡素喺右路發難,皮球落喺卡路爾腳下,佢當機立斷以地波射門,利奴神勇撲出未有比紐卡素絕殺出局,最終以0比0進入加時階段。
愛隊今仗以隊長奧巴美揚、拿卡錫迪、薩卡、史密夫路合組鋒線,馬天尼利先列後備。上半場愛隊甫開賽就搶攻,更喺中段5分鐘內連轟2球。23分鐘迪恩尼喺邊線個人表演推入禁區右腳轟入靚波領先1比0,28分鐘史密夫路喺右路傳中,薩卡門前撞入,愛隊領先2比0完上半場。
上半場愛隊表現似乎有d驚輸嘅感覺,初段處於捱打狀態直至28分鐘先至出現第1次射門,沙加主射罰球高出,而艾利尼更加有1次誤傳幾乎輸波,結果悶和0比0完上半場。