下半場54分鐘，高利奧蘇喺左路回傳比布朗希爾起腳，不幸地省中加比爾入網，般尼扳成1比1平手。不過愛隊憑高昂嘅鬥志好快又再度領先，57分鐘沙利巴接應薩卡嘅角球喺門前好輕鬆頂成2比1。74分鐘，達拉奧沙解圍角球頂中楣，不過施真高喺唔多就腳情況底下以一招功夫腳射入將比數拉開至3比1。83分鐘，後備入替嘅奧維拿因魯莽出腳而直接領紅牌出場，但對賽果並無影響喺無驚無險之下全取3分。
喺聯賽榜方面愛隊以12戰得27分以1分之差反壓熱刺升上次席，暫與少踢一場嘅的榜首曼城同分因得失球差屈居次席。
嚟緊兩星期將會係國際賽期，希望各位代表國家隊既隊員可以平平安安喺國際賽期之後歸隊，我哋下一場賽事將會喺兩星期之後作客賓福特。
週日, 12 十一月 2023 02:45
主場對般尼賽後報告
上半場愛隊表現非常進取，不過對住‘’從來都不易食嘅般尼‘’一直要去到補時第1分鐘先可以打破缺口，薩卡頭槌二傳比托沙喺門前頂入領先1比0，不過佢衝力過猛撞到門柱，好彩都係虛驚一場並無受傷，最後愛隊就憑呢一球半場領先般尼1比0返回更衣室。
發佈於
賽後報告