週四, 09 十一月 2023 04:12

主場對西維爾賽後報告

上半場愛隊完全隨心所欲控制大局,不過都要用咗2/3時間先打破缺口,29分鐘,薩卡喺右路傳中比托沙第一時間抽射入網領先歐霸之王西維爾1比0,上半場亦以此比數完結返回更衣室。

下半場愛隊仍然佔盡優勢。64分鐘,馬天尼利妙傳比薩卡長驅直進喺擺脫咗柏度沙後單刀射入成2比0。最後愛隊談笑用兵下以2比0擊敗全場僅一次射門嘅西維爾以4戰3勝1負9分排榜首,只要下場主場賽和朗斯即可分組賽出線。
我哋下一場賽事將會馬不停蹄喺星期六晚上主場對從來都不易嘅般尼,我哋要乘勝追擊重回勝軌全取3分!

閱讀 221 次數