週一, 15 五 2023 01:17

主場對白禮頓賽後報告

喺上半場,客軍係佔有較多控球率嘅一隊,12分鐘,安斯素喺禁區窄位起腳,藍斯度封出底線。隊長奧迪哥特同薩卡都曾經喺禁區外試射,不過亦都齊齊喺柱邊出界。19分鐘,馬天尼利傷出由托沙入替,最後上半場互無紀錄進入更衣室。

下半場51分鐘,三笘薰左路突破送出助攻比艾斯度邊恩落底線傳中,第一傳送被擋後再傳,安斯素即近門接應頂入領先1比0。愛隊喺落後之下可謂患得患失,自信全失。86分鐘,托沙接應藍斯度後場交波犯錯,皮球比咗托沙前隊友哥斯後,反彈回後場,由後備上陣冇耐嘅安達夫輕鬆笠過出迎嘅藍斯度入網將領先優勢擴大到2比0。補時6分鐘,安達夫禁區外遠射,雖然藍斯度擋出,但艾斯度邊恩趕到將皮球笠射入網以3比0結束今場賽事。
喺聯賽榜方面愛隊作賽36場得81分,4分落後比曼城且多踢1場。現實d嚟講愛隊今季可以講係衝擊冠軍已失敗,但以聯賽第二名嘅成績嚟講亦可以話超額完成,寄望愛隊下一季再接再厲重新出發!
我哋下一場賽事將會喺本週日凌晨作客諾定咸森林!

閱讀 361 次數