週一, 08 五 2023 09:54

作客紐卡素賽後報告

上半場主隊曾經都曇花一現早段攻勢頗為凌厲,2分鐘梅菲射中柱。8分鐘,基馬尼斯禁區外射門懷疑省中基維奧隻手,球證直指12碼,但好彩經VAR重看慢鏡,確認皮球係踢中基維奧嘅大腿,虛驚一場。所謂大難不死就必有後福,14分鐘,愛隊第1次射門中框就有士哥,隊長奧迪哥特禁區外接應來球,控定推順即離門30碼起左腳射個彈地波死角入網領先1比0。21分鐘,馬天尼利入禁區半單刀起腳被樸比用腳擋出,隨後佢再跟進入禁區起腳,亦同樣被樸比擋出底線,差少少運氣。27分鐘,藍斯度亦有水準以上嘅表現,佢同樣用左腳擋出韋歷克嘅近射,最後愛隊就憑隊長嘅世界波領先1比0進入更衣室。

下半場開波冇耐藍斯度就救出舒亞嘅頭槌。48分鐘,門柱亦都好幫手擋咗伊薩嘅頭槌。喜鵲喺久攻不下,亦都埋下多失球嘅危機,71分鐘,馬天尼利沿左路殺落禁區底線出波,舒亞門前將皮球擋入自已龍門將比數改寫為2比0,愛隊最後亦以呢2球喺聖占士公園袋走3分。
喺聯賽榜方面,愛隊以35場得81分排第2位,謹落後曼城1分及多賽1場,可謂喺爭冠路上未完全絕望。而我哋下一場賽事將會喺本星期日晚主場迎戰另一黑馬白禮頓!我地唔會理係黑馬定白馬亦都唔要三千分,只要3分!

閱讀 36 次數