下半場雖然熱刺表現有所提升，但喺藍斯度有高水準嘅表現之下，可以話全無機會。50分鐘，藍斯度救出簡尼射門再用腳擋走施斯隆喺禁區左路嘅推射。熱刺去到下半場中段再換入列查利臣加强攻勢，雖然狂攻一輪，但可惜都係破蛋缺力，最後比數維持不變，愛隊以2比0擊敗熱刺勝出北倫敦打比奪得非常重要嘅3分。
而家愛隊喺聯賽榜以18戰得47分領先次席曼城8分。而我哋下一場聯賽將會喺6日後嘅年初二凌晨主場迎戰近況不俗嘅曼聯，今仗目標只有一個就係全取3分!COYG!
週二, 17 一月 2023 05:20
作客熱刺賽後報告
上半場愛隊一直壓住熱刺後半場圍攻，7分鐘，因熱刺喺後場出錯，尼基迪亞射門比羅利斯擋出。14分鐘，薩卡右路傳中省中施斯隆後改變方向，令到羅利斯措手不及之下將皮球擋入龍門內替愛隊領先1比0。25分鐘，湯馬斯凌空窩利抽射，可惜中柱彈出。36分鐘，隊長奧迪哥特喺禁區外起左腳射一腳彈地波入網，將比數改寫成2比0完上半場。
發佈於
賽後報告