週二, 03 五 2022 06:04

作客韋斯咸賽後報告

上半場,愛隊雖然同主隊踼成均勢,但有威脅嘅攻門唔多,37分鐘,尼基迪亞喺中路射門,被法比安斯基撲出底線後而錯失入球機會,不過即刻就有第二次機會,愛隊藉薩卡右路開出角球比賀定頂入,領先1比0。41分鐘韋斯咸亦同樣得到角球機會,不過藍斯度救出懷斯嘅頭槌,完上半場前,祖法右路傳波比保雲禁區內起腳射中加比爾稍為改變方向,令愛隊失守,結果半場以1比1打成平手。

下半場49分鐘,愛隊再一次以角球攻勢由馬天尼利喺禁區左路傳到後柱比加比爾頭槌頂中法比安斯基再彈入網,再次領先2比1。落後嘅韋斯咸舉軍押上令到後場暴露好多空間位,惟尼基迪亞錯過好幾次嘅擴大比數機會,最後愛隊亦都以2比1呢個賽果全取3分繼續喺積分榜以比賽34場得63分以2分力壓熱刺排第4位。
今仗雖然表現並唔係太好,但最重要係3分已袋,喺而家爭取聯賽第4位上可以話係完成任務,寄望嚟緊嘅星期日返回主場鬥列斯聯可以再下一城!COYG!

閱讀 83 次數