週三, 29 十二月 2021 07:46

作客對諾域治賽後報告

上半場愛隊好早已經入局佔得絕對嘅優勢,7分鐘藉前場逼甩對手高速短傳突擊由薩卡接應奧迪哥特喺右路射地波得手領先1比0。44分鐘,再由奧迪哥特喺中場妙傳比左路殺上嘅迪恩尼,無人看管下喺禁區射中遠柱後入網將比數改寫為2比0完上半場。

下半場,愛隊繼續積極圍攻,67分鐘薩卡禁區頂射入個人今仗嘅第2球遙遙領先3比0。84分鐘新隊長拿卡錫迪博得12碼,親自操刀12碼建功再加補時階段由後備入替嘅路維喺小禁區射成5比0大吵金絲雀繼續喺聯賽榜以19點35分排第四位。
原本今晚作客狼隊嘅賽事因為對方有多名球員確診新冠病毒而取消,而我哋嘅下場賽事將會喺元旦日主場對榜首曼城。寄望愛隊遇強越強 一舉打沉曼城!COYG!

閱讀 69 次數