週五, 16 四月 2021 05:22

作客布拉格斯拉維亞賽後報告

愛隊首回合主場失準被逼和1比1之後,今場喺破釜沉舟嘅決心之下發揮出極強鬥志,上半場甫開賽立即向主隊施加壓力,雖然14分鐘路維嘅入球被判越位食詐胡,不過喺愛隊繼續施壓之下終於打破缺口,比比喺18分鐘窄位射入先開紀錄1比0,3分鐘後拿卡錫迪射入12碼拉開比數至2比0,沙卡喺24分鐘再遠射得手喺7分鐘內連入3球遙遙領先,亦可以話係大局已定,愛隊亦以3比0領先上半場。

喺3球領先嘅情況底下,愛隊亦都喺下半場打得穩穩陣陣,直至77分鐘拿卡錫迪錦上添花入多一球領先至4比0,最後亦以此比數完結今場賽事晉級最後四強,亦係愛隊歷來第10次殺入歐洲賽4強。
我哋喺準決賽嘅對手正正就係有歐霸盃專家之稱嘅前領隊艾美利所帶領嘅維拉利爾。喺踢完今場歐霸盃作客賽事之後,愛隊馬不停蹄趕返倫敦準備兩日後喺18號晚上主場對富咸嘅倫敦打吡之戰,寄望愛隊再接再厲喺聯賽全奪3分爭取較高名次,COYG!

閱讀 107 次數